21 de novembro de 2024
O Deportivo Liceo xogará en Trissino o primeiro partido da Fase de Grupos.
Novembro acaba ó grande coa nova WSE Champions League. A edición 24/25 comeza cun formato de estrea e co Deportivo Liceo como un dos 12 equipos que loitarán por levantar o entorchado. Ese camiño iniciarase para os de Juan Copa coa visita ó PalaDante do Trissino, o primeiro rival dos cinco que se atopará no Grupo B (xoves 21, 20:45h).
Este encontro da xornada inaugural estará dirixido polos árbitros portugueses Pedro Figueiredo e Silvia Coelho. Un ano máis, a WSE Champions League poderase ver en directo e de balde grazas á plataforma europe.worldskate.tv.
Formato de novidade
A máxima competición continental do hockey sobre patíns terá unha nova folla de ruta. A versión 24/25 contou primeiro cunha Fase Preliminar que precedeu á Fase de Grupos a iniciar esta semana. Haberá un total de dous, A e B, pertencendo o Deportivo Liceo a este último.
Cada división conta con seis equipos, dos cales se clasificarán os catro primeiros despois da disputa de 10 xornadas (5 de ida e 5 de volta). Os Cuartos de Final resultantes xogaranse a ida e volta e determinarán ós participantes da Final 4 definitiva, a celebrarse nunha sede única.
O calendario dos verdibrancos será o seguinte, comezando este xoves 21 e finalizando o 27 de febreiro de 2025:
- XORNADA 1 | Trissino vs. DEPORTIVO LICEO (21 de novembro)
- XORNADA 2 | DEPORTIVO LICEO Oliveirense (28 de novembro)
- XORNADA 3 | Dinan Quévert vs. DEPORTIVO LICEO (5 de decembro)
- XORNADA 4 | AD Valongo vs. DEPORTIVO LICEO (12 de decembro)
- XORNADA 5 | DEPORTIVO LICEO Benfica (9 de xaneiro)
- XORNADA 6 | Benfica vs. DEPORTIVO LICEO (16 de xaneiro)
- XORNADA 7 | DEPORTIVO LICEO AD Valongo (30 de xaneiro)
- XORNADA 8 | DEPORTIVO LICEO Dinan Quévert (6 de febreiro)
- XORNADA 9 | Oliveirense vs. DEPORTIVO LICEO (20 de febreiro)
- XORNADA 10 | DEPORTIVO LICEO Trissino (27 de febreiro)
Sen novidades na lista coruñesa
Juan Copa leva a terras italianas ós mesmos dez xogadores que lograron acumular tres triunfos seguidos na OK Liga fronte a Calafell, Alpicat e Sant Just. A baixa duradeira de Pablo Cancela será a única que acuse o preparador coruñés, moi cerca de cumprir os 300 partidos oficiais no banco liceísta.
Continúa a baixa de Pablo Cancela, lesionado de ligamento cruzado
Os homes encargados de loitar polos tres puntos en Trissino serán os seguintes:
- Martín Rodríguez | Porteiro, dorsal 1
- Martí Serra | Porteiro, 10
- Nil Cervera | 2 | 2 goles en OK Liga
- Arnau Xaus | 3 | 8 goles en OK Liga, máximo anotador do Liceo
- César Carballeira | 5 | 5 goles en OK Liga
- Jacobo Copa | 7 | 1 gol en OK Liga
- Dava Torres | 8 | 2 goles en OK Liga
- Fabri Ciocale | 9 | 3 goles en OK Liga
- Bruno Saavedra | 13 | 1 gol en OK Liga
- Tato Ferruccio | 77 | 1 gol en OK Liga
Contra o líder italiano
O Trissino recibirá ó Liceo como flamante primeiro clasificado da Serie A1 italiana, aínda que por diferenza de goles. Nese sentido supera ás do Forte dei Marmi e o Amatori Lodi. Tamén acusa un partido menos, pero de momento conta todos por vitorias: seis de seis, con 18 puntos sumados sobre 18 posibles.
O equipo de Tiago Sousa é ademais o máximo realizador de toda a competición transalpina. Son 47 goles anotados en seis datas, unha media de case 8 en cada unha; e acumula 15 tantos en contra (a terceira mellor marca).
Os homes que loitarán por quedar cos tres puntos serán os seguintes, tendo que realizarse dous descartes:
- Stefano Zampoli | Porteiro, dorsal 1
- Bruno Sgaria | Porteiro, 10
- Andrea Malagoli | 6 | 6 goles en Serie A1
- Giulio Cocco | Capitán, 7 | 8 goles en Serie A1
- Gioele Piccoli | 8 | 3 goles en Serie A1
- Simone Ceretta | 16 | 1 gol en Serie A1
- João Pinto | 17 | 3 goles en Serie A1
- Andrea Fantozzi | 54
- Reinaldo García | 57 | 2 goles en Serie A1
- Jordi Méndez | 66 | 5 goles en Serie A1
- Davide Gavioli | 71 | 10 goles en Serie A1
- Alvarinho | 74 | 9 goles en Serie A1
