11 de novembro de 2023
O Deportivo Liceo chegará ó Municipal Onze de Setembre co obxectivo de sumar os seus primeiros puntos como visitante.
Nova xornada de OK Liga e con horario de estrea. Este domingo 12 ás 12:00h, o Municipal Onze de Setembre recibirá a un Deportivo Liceo con ganas de revertir a súa racha fóra de Riazor. Tratará de impedilo o Lleida, que vive nun completo estado de felicidade trala súa recente clasificación para a WSE Champions League.
O partido estará dirixido por Raúl Burgos Manotas e Oriol Garriga Mas, con Guim Teixidó Pérez como árbitro auxiliar. Estará retransmitido, como é habitual, pola canle de YouTube de OK Liga TV (streaming en directo e gratuíto).
Lesión de Fran Torres e lista de oito xogadores
A convocatoria do técnico Juan Copa estará marcada por un incidente de última hora: a lesión de Fran Torres ‘Tombita’, aqueixado dunha fractura no nariz producida nun adestramento. O xogador liceísta xa superou con éxito a lóxica operación, realizada no Hospital Quirónsalud.
Tampouco está en disposición de xogar a nova fichaxe liceísta Guido Rodríguez, que só poderá empezar a competir unha vez se abra o mercado de xaneiro. Esto será dentro dun mes.
Polo tanto, os homes que viaxarán a terras catalanas serán os seguintes:
- Martí Serra | Porteiro, dorsal 10
- Tiago Rodrigues | Porteiro, 33
- Sito Ricart | 2 | 2 goles
- Tomás Pereira | 4 | 3 goles
- César Carballeira | 5 | 7 goles
- Dava Torres | Capitán, 8 | 3 goles
- Fabri Ciocale | 9 | 4 goles
- Pablo Cancela | 74 | 6 goles
Un Liceo contra os obstáculos e en busca do equilibrio
O verdibranco é un equipo que conta con dúas caras moi diferenciadas: a de casa e a de fóra. Mentres a primeira ofreceu un pleno de vitorias, a segunda todavía non logrou sumar. A visita a Lleida ten como gran obxectivo atopar o equilibrio entre ambas.
Actualmente o Deportivo Liceo conta cun total de nove puntos, 26 goles a favor (o segundo equipo máis realizador) e 20 en contra. Empata a unidades co Calafell e están por enriba o Noia (11), o Sant Just (13) e o Barcelona (16).
Un Lleida perigoso pero cargado
O conxunto dirixido por Edu Amat conta cun gran reto por diante, e é recuperarse dunha carga importante de partidos. Estes, sen embargo, deixaron grandes novas: a súa clasificación para a Fase de Grupos da WSE Champions League.
Este éxito da pasada fin de semana provocou a disputa o mércores da súa sexta xornada de OK Liga, esta vez con novas negativas en forma de derrota. Visitou o pavillón do Sant Just e non logrou sumar (3-2). O conxunto catalán é o actual undécimo clasificado da competición nacional tras seis puntos sumados froito dun triunfo, tres empates e dúas derrotas. Son 17 goles a favor e 19 en contra.
O plantel completo do Lleida é o seguinte:
- Martí Zapater | Porteiro, dorsal 10
- Javi Sánchez | Porteiro, 60
- Nuno Paiva | 5 | 9 goles
- Julián Martínez | 6
- Sebas Moncusí | 9 | 1 gol
- Sergi Duch | 22
- Xavi Aragonès | 26
- Nico Ojeda | 55 | 2 goles
- Jordi Badia | 63
- Sergi Folguera | 83 | 5 goles
