25 de xuño de 2024
O meta regresa a casa tras militar no hockey francés.
Jacobo, gran promesa do hockey nacional, procede do Dominicos e é un fixo dos combinados españois de base.
A terceira e a cuarta incorporación do Deportivo Liceo 24/25 teñen os nomes de Martín Rodríguez e Jacobo Copa. Dous coruñeses para incrementar todavía máis a identidade local dun Deportivo Liceo que continuará loitando por tódolos títulos posibles. Asinan, respectivamente, ata 2026 e 2027 da mano da gran colaboración de Estrella Galicia.
Esta dobre incorporación convertirá a este Liceo no máis coruñés de toda a súa historia: ata seis xogadores son locais, ós que hai que incluir a Juan Copa desde o banquiño.
Martín Rodríguez Garaboa, do ano 1994, regresa ás ordes do técnico na que será a súa segunda etapa como liceísta. A primeira chegou tras sendos pasos polo Cerceda e o Alcobendas. O coruñés defendeu ó club desde 2017 e ata 2022, cinco anos nos que ergueu os tres títulos nacionais: a Supercopa de España, a Copa do Rei e a OK Liga. Tras iso viaxou a Francia e a Suiza.
Jacobo Copa, do 2006, formouse nas categorías inferiores do Dominicos ata chegar ó seu primeiro equipo. A súa gran calidade valeulle para destacar e converterse nun fixo das categorías de base de España. Coa sub-17 foi dobre campión europeo, mentres que coa sub-19 levou a medalla de prata.
Martín e Jacobo únense a Arnau Xaus e Tato Ferruccio como novos integrantes do Deportivo Liceo 24/25, que aínda incorporará a máis xogadores.
