Imaxe: HOCKEY GLOBAL.
O Deportivo Liceo afronta unha nova xornada de OK Liga e quere contar de novo cos folgos da súa afección. Para iso, tódolos socios liceístas e abonados do Real Club Deportivo (ademáis do público xeral) poden solicitar desde xa a súa entrada e así animar ó equipo no seu choque fronte ó Voltregà (sábado 9, 20:00h).
Unha vez máis, como no caso do encontro ante o Girona, existen varios escenarios posibles.
Abonados do Real Club Deportivo
O primeiro deles está destinado ós abonados beneficiarios do convenio co Real Club Deportivo. Haberá 500 pases dispoñibles sen máis custo que o tempo adicado á xestión. Débese levar a cabo mediante a seguinte ligazón de Cluber:
No momento da chegada ós aledaños do Pazo dos Deportes, as persoas que apliquen esta posibilidade terán a obriga de presentar dous documentos: o código QR proporcionado por Cluber e o carnet do Real Club Deportivo.
Socios do Deportivo Liceo
O segundo escenario aplicarase ós socios do Deportivo Liceo, que deberán amosar o código QR do seu carnet dixital á hora de entrar. Será a medida habitual mentres se xestionen os pases físicos.
Público xeral
Por outra parte, o público xeral que desexe asistir ó encontro conta con entradas dispoñibles a un prezo de 5€ cada unha. Adquiriranse de forma online mediante tres ligazóns de Cluber, cada unha delas adicada a unha porta do Pazo:
- PORTA 3: https://bit.ly/3a6zkIv
- PORTA 4: https://bit.ly/3uG79JI
- PORTA 6: https://bit.ly/3a8FiIY
