1 de novembro de 2024
Haberá dúas modalidades de estancia: Media Pensión e Adestramentos, cun 10% de desconto para os alumnos do Liceo e os segundos irmáns (non acumulable).
O Campus de Nadal 2024 abre xa o seu prazo de inscrición. Unha vez máis, o evento celebrarase no Colexio Liceo La Paz para que os máis pequenos disfruten do hockey sobre patíns.
O Campus estará dirixido polos monitores e os técnicos do Hockey Club Liceo. Ademais contará de novo coa presenza dos xogadores do equipo de OK Liga, tal e como ocorreu en edicións anteriores.
Para completar o proceso de inscrición deben cumprirse os seguintes pasos, á vez que enviar os documentos especificados a continuación:
- Descargar e cumprimentar o Documento Word de inscrición (enlace a Google Drive). Enviar a administracion@hockeyclubliceo.com unha vez cuberto.
- Tarxeta sanitaria do neno/nena. Vale tanto escaneada como en fotografía. Enviar a administracion@hockeyclubliceo.com.
- Enviar o DNI do neno/a e do pai/nai/tutor ó mencionado correo de Administración. Vale tanto escaneado como en fotografía.
- Abonar a cantidade da modalidade elixida ó número de conta facilitado no documento de inscrición: ES98 2080 0006 4255 0002 2243. Enviar xustificante do ingreso a administracion@hockeyclubliceo.com.
O teléfono de contacto para solicitar máis información será o 616 26 85 82 (Antón). Tamén estará a disposición o 981 13 14 51 en horario de tarde, de 17:00h a 20:00h. Nesa mesma franxa tamén se poderá solicitar información nas oficinas do club, situadas no Colexio Liceo La Paz.
Modalidades e prezos
Existirán dúas modalidades diferentes:
- MEDIA PENSIÓN | Custo de 300€. Horario de 9:00h a 20:00h.
- ADESTRAMENTOS | 215€. Horario de 9:00h a 14:00h e de 16:30h a 20:00h.
Por outro lado, para este Campus estréase a Opción Madrugadores. Mediante esta posibilidade, os nenos poderán acudir ó Colexio Liceo ás 8:00h (unha hora antes do comezo):
- MADRUGADORES CON ALMORZO | Pago extra de 30€ sobre o prezo da modalidade elixida.
- MADRUGADORES SEN ALMORZO | Pago extra de 18€.
Os alumnos e alumnas do Colexio Liceo La Paz contarán cun 10% de desconto sobre o prezo. Como novidade, os segundos irmáns tamén poderán disfrutar desta promoción. Ambas non serán acumulables.
Apúntate e vive connosco unhas festas cheas de hockey!
