Juan Copa e o seu plantel teñen na man mellorar un inicio xa impecable. Loitarán por iso no seu segundo partido da semana, a disputar no Pazo dos Deportes de Riazor fronte ó recén ascendido Sant Cugat (venres 23, 21:30h, HOCKEY GLOBAL).
Co triunfo do martes contra o Arenys (1-6) xa no pasado, o Deportivo Liceo buscará trocar o seu pleno de nove puntos nun de doce. Xa quedan menos conxuntos que todavía presuman de contar os seus partidos por vitorias: Noia, Barça e os propios verdibrancos (segundos por diferenza de goles).
Para facilitar a loita por estas novas tres unidades, Riazor deberá estar cheo de Liceístas.
Portas abertas para os máis pequenos
Por iso, dacordo coa nova política do club, os nenos e nenas que cumpran calquera das seguintes condicións poderán asistir de xeito gratuito a tódolos partidos do Liceo ata o final do presente curso:
- Ter 12 anos ou menos. En casos non tan evidentes, deberá acreditarse a idade mediante DNI.
- Estudar no Colexio Liceo La Paz, sexa cal sexa a idade. Só fara falta levar roupa do centro.
- Contar cunha ficha federativa de hockey sobre patíns que se deberá ensinar nas portas de entrada ó Pazo dos Deportes.
Non hai mellor modo de empaparse de Liceísmo!
Entradas a tan só cinco euros
Pola súa parte, o público xeral terá a posibilidade de asistir por un inmellorable prezo de cinco euros. Poderá adquirir a súa entrada dixital a través deste enlace de CLUBER. Chegado ó Pazo, o seu poseedor deberá ensinar o código QR da mesma ós encargados das portas.
Os socios do Deportivo Liceo e os abonados provintes do Real Club Deportivo, como non pode ser doutro modo, entrarán de xeito gratuito ensinando os seus carnets.
Sen baixas e con tres mundialistas
No plano deportivo, o apartado de lesións continúa sendo afortunado co plantel de Juan Copa. Contará cos seus dez xogadores por cuarto choque seguido.
Tres deles recibiron esta semana a honra de ser chamados polas súas respectivas seleccións nacionais para disputar o Mundial do vindeiro novembro. O capitán Dava Torres defenderá a camiseta de España, mentres que Bruno Di Benedetto e Mati Bridge loitarán por Francia e Arxentina.
PARABÉNS, @davatorres8, por ser un dos seleccionados pola Selección Española para os vindeiros @wsgargentina!
O noso capitán loitará polo título en San Juan do 7 ó 13 de novembro.
Orgullosos de ti.
📸 @ArcayMonica pic.twitter.com/KWzj3t3BgW
— Hockey Club Liceo (@HockeyClubLiceo) September 21, 2022
O #DeportivoLiceo ten dous mundialistas máis.
PARABÉNS a BRUNO DI BENEDETTO e a MATI BRIDGE por ser escollidos nos combinados francés e arxentino!
Ambos estarán en San Juan o vindeiro mes de novembro.
📸 ALBA TARRÉS pic.twitter.com/wOjkHjntiO
— Hockey Club Liceo (@HockeyClubLiceo) September 22, 2022
Ademáis destes tres, a lista liceísta estará completada por Martí Serra, César Carballeira, Sito Ricart, Arnau Canal, Àlex Rodríguez, Fabri Ciocale e Fran Torres.
Ante outro recén ascendido
A semana maratoniana do Deportivo Liceo va de antigos equipos de OK Prata. O PHC Sant Cugat, como o Arenys de Munt, logrou subir á máxima categoría durante o pasado curso. No actual loita por mantela.
Non comezou demasiado ben o equipo de Joan Carles Vadillo, aínda que o inicio non era fácil. Colleitou un punto sobre nove ante o mencionado Arenys (4-4), o Reus (3-5) e o Noia (0-5). En Riazor, outra pista de dificultade, terá outra proba importante para escalar do seu actual décimo posto.
