Imaxe: HOCKEY GLOBAL.
O xogador arxentino Fabrizio Ciocale (Buenos Aires, 1998) é a quinta incorporación do Deportivo Liceo para o curso 22/23. Vello coñecido da afección verdibranca, o seu regreso a A Coruña chega refrendado por un novo contrato de dúas tempadas.
Fabri, formado en Vélez Sarsfield, aterrizou na cidade en 2016 para defender a camiseta liceísta xunto á da selección albiceleste. En 2020 foi cedido ó Braga luso, aínda que volveu ó Liceo a medio curso e formou parte do plantel campión da última Copa do Rei. Tras rematar o curso sumouse ó Valdagno italiano, de onde procede.
O arxentino únese ás fichaxes de Bruno Di Benedetto, Martí Serra, Sito Ricart e Arnau Canal. Os cinco, xunto a Mati Bridge, César Carballeira, Dava Torres e Àlex Rodríguez, formarán parte do plantel que este 1 de agosto iniciará a pretempada.
