7 de agosto de 2023
Imaxe: DXT Campeón.
O equipo de Juan Copa, con varios amistosos xa confirmados, avanza para chegar do mellor xeito posible ó debut na Supercopa de España (23 de setembro).
O Deportivo Liceo 23/24 está en marcha e vive xa os seus primeiros días de pretempada. O Pazo dos Deportes de Riazor é o escenario principal no que Juan Copa e os seus xogadores preparan intensamente un curso tan ilusionante como esixente.
Todo coa mente posta no día 23 de setembro: a data na que o equipo verdibranco debutará de xeito oficial. Esta semifinal da Supercopa de España será ante o Reus no Pavelló Olímpic da mesma cidade (horario por confirmar).
Ata que chegue dito día, os amistosos confirmados son os seguintes:
- 23 de agosto fronte ó Oliveirense no Pazo dos Deportes de Riazor (18:00h, hora española).
- 31 de agosto e 1 de setembro: Oliveirense e Valongo, respectivamente. Stage en Portugal. Horarios por confirmar.
- 8, 9 e 10 de setembro: Torneo Internacional de Famalicão (Portugal). Rivais e horarios por confirmar.
- 17 de setembro fronte ó Rivas Hockey no Pazo dos Deportes de Riazor. Horario por confirmar.
Ensamblar ós novos e presumir do noso
Tiago Rodrigues, Pablo Cancela, Bruno Saavedra e Tomás Pereira uníronse o pasado día 3 ó comenzo dos adestramentos do Liceo. Sangue nova que se suma á que xa estaba: Dava Torres, César Carballeira, Martí Serra, Fabri Ciocale, Fran Torres e Sito Ricart.
Todos forman parte dun equipo cheo de ADN coruñés, potenciado coas incorporacións de Pablo e Bruno.
